English / ქართული /








ჟურნალის „ეკონომიკა და ბიზნესი“ აკადემიური ნაშრომის საერთაშორისო სტანდარტი

ივ.ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის, რეფერირებადი და რეცენზირებადი საერთაშორისო სამეცნიერო-ანალიტიკური
ჟურნალის „ეკონომიკა და ბიზნესი“ აკადემიური ნაშრომის საერთაშორისო სტანდარტი

ჟურნალის „ეკონომიკა და ბიზნესი“ ERIXPLUS, EBSKO–ს, GOOGLE SCHOLAR-ისა და INDEX COPENICUS INTERNATIONAL-ის საერთაშორისო ბაზებში ჩართვასთან დაკავშირებით აუცილებელი მოთხოვნაა აკადემიური ნაშრომის საერთაშორისო სტანდარტის დაცვა.
ჟურნალის „ეკონომიკა და ბიზნესის“ სამეცნიერო სტატიის ახალი სტანდარტი შემუშავდა და შეჯერდა ჩიკაგოს სტილსა და იმ მოთხოვნებთან, რაც ადრე, უკვე დამტკიცებული იყო ჟურნალის ეკონომიკა და ბიზნესის სარედაქციო საბჭოს მიერ.
ავტორებს გთხოვთ გაითვალისწინოთ ეს მოთხოვნა და შემდგომში სტატიები მოგვაწოდოთ ამ სტანდარტის შესაბამისად.

სამეცნიერო/აკადემიური ნაშრომის ფორმატი

  • თავფურცელი - სათაური 14 შრიფტით, ცენტრირებული. ავტორები ცენტრირებული - წაქცეული შრიფტით, 12 ზომა, სახელი, გვარი, სამუშაო მონაცემები (Bold), აუცილებლად უნდა ერთვოდეს სათითაოდ ავტორის იმეილი და საკონტაქტო მობილურის ნომერი.
  • აბსტრაქტი: პრობლემის აღწერა, ნაშრომის ან /კვლევის/ აქტუალობა, ნაშრომის ან /კვლევის/ მიზანი, კვლევის საკითხ(ები)/ჰიპოთეზა. აბსტრაქტი უნდა შედგებოდეს არანაკლებ 140 და არა უმეტეს 150 სიტყვისა და უნდა დამთავრდეს საკვანძო სიტყვებით.

მაგალითად: საკვანძო სიტყვები: (Bold) და შემდეგ სდგფჰ, ჯქწერრტ, დფფგდფჰფ (დახრილი)

  • შესავალი - როგორც წესი, ნაშრომის არაუმეტეს 15%-ს შეადგენს.
  • ძირითადი ნაწილი (ქვეთავები). სტატიაში ქვესათაურები 12 შრიფტით, ცენტრირებული, გაბოლდებული (Bold).
  • დასკვნა - რაც აგვირგვინებს ნაშრომს. იგი გულისხმობს:

1) ნაშრომის ტექსტში ჩამოყალიბებული კონკრეტული შედეგების მოკლე გადმოცემას.

2) გამოყენებული ლიტერატურა ქართულად. ლიტერატურის შედგენისას გასათვალისწინებელია:

1) ტექსტში დამოწმებული წყაროები (მითითებული ავტორები) უნდა შეესაბამებოდეს გამოყენებულ ლიტერატურაში ჩამოთვლილ მუხლებს.

2) გამოყენებული ლიტერატურის ჩამონათვალი აღინიშნება მხოლოდ ბულეტებით.

3) ტექსტში გამოყენებული ლიტერატურა არ ითარგმნება და წყარო მოწმდება დედნის ენაზე. მაგალითად, ინგლისურენოვანი წყაროების მითითება ხდება ინგლისურ ენაზე.

References: გამოყენებული ლიტერატურის ქართული ვარიანტის ზუსტი თარგმანი ინგლისურ ენაზე: უნდა ითარგმნოს როგორც ავტორი, ასევე ნაშრომის სათაურიც, ინგლისური ლიტერატურის ჩამონათვალში ნაშრომის სათაურის ყველა არსებითი სახელი და ზმნა იწყება დიდი ასოებით (არტიკლის, კავშირებისა და თანდებულების გარდა).
References - ში ინგლისურად - ავტორების გვარის და სახელის ინიციალს შორის მძიმე არ დაისმის, მაგალითად Papava V. შემდეგ იწერება სტატიის ან ნაშრომის გამოქვეყნების წელი, შემდეგ სტატიის ქართული სათაური ლათინური შრიფტით (ტრანსკრიფცია) და შემდეგ ოთხკუთხედ ფრჩხილებში ისმება ინგლისურად ნათარგმნი სტატიის სათაური. (ყველა სიტყვა იწყება დიდი ასოებით კავშირებისა და თანდებულების გარდა).
მაგ. Papava V. (2018). ekonomikuri zrda evrokavshiris aghmosavletis partniorobis kveqnebshi [Economic Growth in the Eastern Partnership Countries, Tsu, Economics and Business, No. 2, pp. 12-18]. (in Georgian) ყველა ქართველ ავტორს უნდა მიენიშნოს ფრჩხილებში in Georgian.
თუ ჩამონათვალში ორი ან სამი ავტორია ამ შემთხვევაში სახელის ინიციალის შემდეგ წერტილი, შემდეგ მძიმე, მეორე ავტორის სახელის ინიციალთან დაისმის წერტილი. მაგ. Qoqiauri L., Shonia N. (2008). pasiani kaghaldebis bazari [Securities Market]. Tbilisi: Nekeri. (in Georgian.)

  • სტატიის სათაურის ინგლისური ვარიანტი, ყველა სიტყვა იწერება დიდი ასოებით, გარდა არტიკლის, კავშირებისა და თანდებულებისა. მაგალითად, Study of the Attitude of Local Community towards Rural Tourism Business (Bold).
  • ასევე შეიცვალა და აუცილებელი გახდა სტატიაში გამოყენებული ცხრილების და დიაგრამების ზომების დაცვის, აბსტრაქტისა და ტექსტის შინაარსის სიტყვათა შემცველობის რაოდენობა:

- დიაგრამის, ცხრილების და ნახაზების ზომები არ უნდა აღემატებოდეს სიგრძეში 13,5სმ. და სიგანეში 12.5სმ.
- სტატიის აბსტრაქტის სიტყვათა რაოდენობა უნდა იყოს არა ნაკლებ -140 და არაუმეტეს 150 სიტყვისა


- ქართულენოვანი სტატიის შემაჯამებელი მოცულობითი შინაარსის თარგმანი ინგლისურ ენაზე (Summery), სტატიის ბოლოს, (უნდა ითარგმნოს სტატიის სათაურიც) უნდა შეიცავდეს არანაკლებ 700 და არაუმეტეს 900 ინგლისურ სიტყვას. (დაახლოებით 1,5 – 2 გვერდამდე)
- ინგლისურენოვან სტატიას, ასევე ბოლოში, უნდა თანდაერთოს შემაჯამებელი შინაარსის ქართული თარგმანი ასევე 2 გვერდამდე მოცულობის.

ცხრილის, დიაგრამის, ნახაზის - სათაურები ცენტრში (Bold), ცხრილის ნომერი მარცხნივ. მაგალითად:

 

სოფლის ტურისტულ ბიზნესში ჩაბმის მსურველები, მათი ასაკობრივი
ჯგუფები და სამეწარმეო გამოცდილება



ცხრილი 1.

     
     
     

ცხრილის ბოლოს აუცილებელია მიენიშნოს წყარო (Bold, დახრილი შრიფტი - 10). მაგალითად:

წყარო : ცხრილი შედგენილია ავტორის მიერ. ან წყარო: სტატისტიკის ეროვნული სამსახური და სხვ.

ცნებებათა განმარტებები:
გამოყენებული ლიტერატურა - სამეცნიერო/აკადემიური ნაშრომის ის სტრუქტურული ერთეულია, რომელშიც ნაშრომში განხილული, დამუშავებული და ციტირებული ყველა წყარო არის აღნუსხული.

შრიფტის ტიპი:
ქართულენოვანი ტექსტის შემთხვევაში გამოიყენება შრიფტი Sylfaen (ქართულ უნიკოდში შესრულებული). აუცილებელია, რომ ერთი ნაშრომის ფარგლებში შენარჩუნებული იყოს შრიფტის მხოლოდ ერთი ფორმატი. უცხო ენაზე შესრულების, ან წყაროების მითითების შემთხვევაში გამოიყენება „Sylfaen“ შრიფტი.
შრიფტის ზომა: ძირითადი ტექსტის შრიფტის ზომა - 12; სათაურის შრიფტის ზომა - 14, გამუქებული (Bold), ცენტრირებული; ველები (არეები): ზედა ველი - 2 სმ; ქვედა ველი - 2 სმ; მარცხენა ველი- 2,5 სმ; მარჯვენა ველი - 1.5 სმ; ტექსტი ორივე, მარჯვენა და მარცხენა კიდეზე მწყობრად უნდა განლაგდეს, ამისთვის უნდა მოინიშნოს - Justify Text.
აბზაცები: როგორც წესი, ტექსტი უნდა დაიყოს აბზაცებად. სტრიქონებს შორის მანძილი: ძირითადი ტექსტისათვის ინტერვალი არის 1,5. მცირე ზომის სექციებისთვის (დიაგრამების, ცხრილებისა და ნახაზების ნუსხა, შენიშვნა, და სხვა) შრიფტის ზომა შეიძლება იყოს 10, ხოლო სტრიქონებს შორის მანძილი - ინტერვალი 1.
გვერდების ნუმერაცია: ყველა გვერდი დანომრილი უნდა იყოს თაბახის მარჯვენა ქვედა კუთხეში შრიფტის ზომით - 12. თავების დასახელებაში გამოყენებული უნდა იქნეს შრიფტი, შესაბამისად ზომით - 14, (თავი) და ზომით -12 (ქვეთავი) (Bold).


წყაროების დამოწმების ფორმები:


სამეცნიერო ნაშრომი სანდო ფაქტებსა და მონაცემებზე დაყრდნობით უნდა აიგოს და მოყვანილი არგუმენტები უშეცდომოდ უნდა იყოს დამოწმებული.
წყარო მიეთითება მაშინ, როდესაც:
1) მოყვანილია ციტატა
2) კეთდება პარაფრაზი ან რეზიუმე (სხვა ავტორთა იდეები, მოსაზრებები, დასკვნები და ა.შ. გადმოიცემა საკუთარი სიტყვებით)
3) კეთდება მინიშნება რაც შეესაბამება ავტორის მსჯელობას, არგუმენტებს
4) გამოყენებულია სხვათა მიერ დამუშავებული სტატისტიკური მონაცემები, ფაქტები, ცხრილები (ამ შემთხვევაში საჭიროა, მიეთითოს უშუალოდ სტატისტიკური მონაცემების ავტორი და არა ის წყარო, რომელშიც არის ეს ინფორმაცია)
ციტატის დამოწმება: ყველა ციტატას სჭირდება დამოწმება. (ავტორის მითითება) სამეცნიერო ნაშრომში ნებისმიერი უცხო თვალსაზრისი (რომელიც სხვა წყაროდან არის ამოწერილი, ნასესხები), - ციტირება - უნდა იყოს ტექსტში დამოწმებული, (ანუ მიეთითოს ავტორი).
ტექსტის შიგნით ტექსტში ჩართული (მოკლე) დამოწმება ასეთი ფორმით: მაგალითად --- ის აცხადებს, რომ „…... “ გვარი, წელი, გვერდი. (თურაბიანი 2007, 111).
ტექსტის გარეთ - გამოყენეულ ლიტერატურაში/ დამოწმება (ავტორის მითითება)
გვარი, სახელი. წელი. ნაშრომის სათაური. გამოცემის ადგილი: გამომცემლობა, გვერდი.
თუ გამოყენებულია ტექსტში ჩართული დამოწმება, გამოყენებულ ლიტერატურაში წყარო მიეთითება ამგვარად: წიგნის ავტორის გვარი, სახელი, გამოცემის წელი, ნაშრომის სათაური (დახრილი შრიფტით) გამოცემის ადგილი.

დამოწმება წყაროს ტიპის მიხედვით
სტატია ან თავი რედაქტირებული წიგნიდან: გამოცემის თარიღი აუცილებლად უნდა
აღინიშნოს. სტატიის ავტორის ან თავის სათაურის შემდგ უნდა მიეთითოს, რომელი წყაროდან არის ამოღებული ნაკვეთი. გვერდების ნუმერაცია უნდა მიეთითოს ფრჩხილებში.
Paykel, E. S. (1994). Life Stress and Psychiatric Disorder: Applications of the Clinical Approach. In B.S. Dorhewend & B.P. Dorhenwend (Eds.), Stressful Life Events: Their Nature and Effects. New York: Weliy.
სტატია ყოველწლიური ჟურნალიდან: სტატიის სათაური ბრჭყალებში არ უნდა ჩაისვას. ჟურნალის სახელწოდება დახრილი უნდა იყოს.
Emery, R.E. (1992). Marital Turmoil: Interpersonal Conflict and the Children of Discord and Divorce. Psychological Bulletin, 92, 310-330.
სტატია ჟურნალიდან, რომელსაც ცალკეული ნომრები აქვს: ჟურნალის ნომერი დახრილი არ უნდა იყოს, ის ფრჩხილებში უნდა ჩასვათ.
Dacey, J. (198). Managment Participation in Corporate Buy-Outs. Management Perspectives, 7(4), 20-31.
სტატია ჟურნალიდან: თუ ჟურნალს აქვს ცალკეული გამოცემები და ნომრები, აუცილებლად უნდა იყოს აღნიშნული. ასევე, ნომრის გამოცემის სრული თარიღი და სტატიის დაწყების და დასრულების გვერდები უნდა იყოს დაფიქსირებული, ოღონდ აბრევიტურის (გვ.) გარეშე.
Van Gelder, L. (1996). Countdown to Motherhood: When shoud You have a Baby? pp.37 – 39.
საგაზეთო სტატია: უნდა მიეთითოს, როგორც გამოცემის წელი, ასევე, თვე და დღე. გვერდების მისათითებლად შეიძლება გამოიყენებულ იქნეს აბრავიატურა: „გვ.” Lewis, P. H. (1999). Many Updates Cause Profitable Confusion. The New York Times, January 21, pp. D1, D5.


დამოწმების ნიმუშები წყაროს ტიპის მიხედვით
თარგმნილი წიგნი - (სტიგლიცი 2012, 17) ასე ჩაისმება ტექსტში, ასე ჩაიწერება გამოყენებულ ლიტ-ში: სტიგლიცი, ჯოზეფ. (2012). გლობალიზაცია და მისი თანმდევი უკმაყოფილება. თბილისი: საუნჯე.
ინტერნეტში განთავსებული წიგნი
(თურაბიანი 2007, 105) ტექსტში
ლიტერატურაში: თურაბიანი, ქეით ლ. 2007. სახელმძღვანელო რეფერატების, თეზისების დისერტაციების ავტორებისათვის. „ჩიკაგოს სტილი“ სტუდენტი და მკვლევრებისათვის. მთარგმნ. ანა ადამია და მარინე თავყელიშვილი. https://bit.ly/2z4DMSS (29.06.2018).
სტატია პოპულარული ჟურნალიდან
(Shapiro 2004, 16) შიგნით ტექსტში,
ლიტერატურაში: Shapiro, M. 2004. New Power for “Old Europe.” The Nation, December 27.
ვებგვერდი (განათლების ხარისხის განვითარების ეროვნული ცენტრი 2018) ტექსტში.
ლიტერატურაში:განათლების ხარისხის განვითარების ეროვნული ცენტრი. კოპენჰაგენის პროცესი. www.eqe.ge/geo/static/81/educati.


2023-12-06
ჩვენი ჟურნალის ავტორებისა და მკითხველების საყურადღებოდ!

ქალბატონებო და ბატონებო,

ჟურნალ „ეკონომიკა და ბიზნესმა“ ბოლო წლების განმავლობაში მნიშვნელოვან წარმატებებს მიაღწია საერთაშორისო აღიარების თვალსაზრისით: იგი დარეგისტრირებულია „ERIH+“-ის, „EBSCO”-სა და „COPERNICUS“-ის საინფორმაციო ბაზებში. გაფართოვდა ჟურნალის სარედაქციო კოლეგია, მათ შორის მსოფლიოში საყოველთაოდ აღიარებული მეცნიერების ჩართვის ხარჯზე. ამჟამად ინტენსიური მუშაობა მიმდინარეობს „SCOPUS”-ის ბაზაში გაწევრიანებისათვის.

„SCOPUS”-ის საერთაშორისო ბაზაში ჟურნალ ეკონომიკა და ბიზნესი დარეგისტრირება კარგი მოტივაცია იქნება ავტორთათვის. 

უსურვოთ ჟურნალს წარმატებები ამ რთულ და მეტად საინტერესო საქმეში

ჟურნალ „ეკონომიკა და ბიზნესის“ სარედაქციო კოლეგია


2021-07-03
ავტორებისთვის

ჟურნალის ავტორების საყურადღებოდ!

სტატიაში გამოყენებული ლიტერატურის მითითების ახალი აუცილებელი წესები

ჟურნალ „ეკონომიკა და ბიზნესის“ საერთაშორისო  ბაზებში ჩართვასთან დაკავშირებით აუცილებელი გახდა სტატიებში გამოყენებული ლიტერატურის მითითება იმ სტანდარტის შესაბამისად, რომლის ნიმუშსაც ჟურნალის პოტენციურ ავტორებს ვთავაზობთ:

ლიტერატურის ტექსტში მითითება:

(მექვაბიშვილი 2018, 223)

(Hudson 2015, 79)

(Papava 2002, 35)

წყაროების მითითება გამოყენებულ ლიტერატურაში:

  1. მექვაბიშვილი ე. (2018). გლობალიზაციის ეპოქის ფინანსური კრიზისები და საქართველოს ეკონომიკა. თბილისი: გამომცემლობა „ინტელექტი“.
  2. Hudson E. A. (2015). Economic Growth: How it Works and How it Transformed the World. Wimington: Vernon Press.
  3. Papava V. (2002). “Necroeconomics” – the Theory of Post-Communist Transformation of an Ecnomy. International Journal of Social Economics, vol. 29, №9-10.

ელექტრონული წყაროს მითითება:

http://data.worldbank.org|indicator/NY.CDP.MKTR.KD.ZG. /ბოლო ნახვა 15 მარტი, 2018/

ლიტერატურა:

1. მექვაბიშვილი ე. (2018). გლობალიზაციის ეპოქის ფინანსური კრიზისები და საქართველოს ეკონომიკა. თბილისი: გამომცემლობა „ინტელექტი“.

2. პაპავა ვ. (2010). ნეკროეკონომიკის ზომბირება. თბილისი: პაატა გუგუშვილის ეკონომიკის ინსტიტუტის გამომცემლობა.

3. პაპავა ვ. (2018). ეკონომიკური ზრდა ევროკავშირის აღმოსავლეთის პარტნიორობის ქვეყნებში || „ეკონომიკა და ბიზნესი“, ტ.XI, №2. გვ.17-23.

4. Hudson E. A. (2015). Economic Growth: How it Works and How it Transformed the World. Wimington: Vernon Press.

References:

  1. Mekvabishvili E. (2018). The Financial Crisis of the Globalization Era and The Economy of Georgia. Tbilisi, “Intelqti” (in Georgian).
  2. Papava V. (2010). Zombie-Ing of the Necroeconomy. P. Gugushvili Institute (in Georgian).
  3. Papava V. (2018). Economic Growth in Eastern Partnership Countries. || Economica da Biznesi V.XI, №2. (in Georgian). (ჟურნალის სახელწოდება არ ითარგმნება და იწერება ლათინური ასოებით)
  4. Hudson E. A. (2015). Economic Growth: How it Works and How it Transformed the World. Wimington: Vernon Press.

                                                    

ჟურნალში – „ეკონომიკა და ბიზნესი“ სამეცნიერო სტატიის წარმოდგენისა და გამოქვეყნების     სტანდარტები:

 1. ჟურნალში ქართულ და ინგლისურ ენებზე ქვეყნდება სტატიები ეკონომიკური   თეორიისა და ეკონომიკურ მოძღვრებათა ისტორიის, ეკონომიკური პოლიტიკის, ეკონომიკისა და   ბიზნესის აქტუალურ საკითხებზე, ასევე რეცენზიები ბოლო პერიოდში გამოქვეყნებულ მონოგრაფიებსა   და სახელმძღვანელოებზე;

 2. სტატია უნდა იყოს აქტუალური, დამოუკიდებლად შესრულებული, ორიგინალური, ადრე   გამოუქვეყნებელი. სტატიაში სხვისი გამოქვეყნებული ტექსტების მითითების გარეშე გამოყენება   (პლაგიატი) დაუშვებელია;

 3. ყველა სტატია, ძირითად ტექსტთან ერთად, აუცილებლად უნდა შეიცავდეს შესავალ და დასკვნით   ნაწილებს. შესავალში წარმოჩენილი უნდა იყოს: ა) საკვლევი პრობლემის შესწავლის დონე და აქტუალურობა, ბ) კვლევის მიზნები და ამოცანები, გ) კვლევის ორიგინალურობა – ავტორის წვლილი მოცემული პრობლემის კვლევაში, დ) სტატიაში უნდა  ჩანდეს კვლევის თანამედროვე მეთოდების გამოყენება. ძირითად ტექსტში, განსახილველ საკითხთა შესაბამისად, უნდა გამოიკვეთოს რამდენიმე ქვეთავი. დასკვნით ნაწილში მკაფიოდ უნდა იყოს ჩამოყალიბებული კვლევის ძირითადი თეორიული და პრაქტიკული შედეგები, ადეკვატური რეკომენდაციები, რაშიც უპირატესობა ეძლევა არსებული დოგმების უარმყოფელ ავტორისეულ მტკიცებულებებს, ან კიდევ – მის სრულყოფა-განვითარებას; ასევე, სასურველია კვლევის შემდგომი შესაძლო გაღრმავების მიმართულებებისა და პერსპექტივების გამოკვეთა;

4. ძალიან მნიშვნელოვანია სტატიას რომ ახლდეს სწორად შერჩეული საკვანძო სიტყვები (Keywords), რადგან სწორედ მათი საშუალებით ხდება ინტერნეტში სტატიაში მოცემული ინფორმაციის მოძიება;

5. ანოტაცია უნდა იყოს ინფორმაციატევადი, სტატიის ძირითადი შინაარსის ამსახველი, აღწერდეს კვლევის მიზანს, აჯამებდეს კვლევის ძირითად შედეგებს და წარმოაჩენდეს მის თეორიულ და პრაქტიკულ მნიშვნელობას; უნდა იყოს სტრუქტურირებული, ე.ი. მისდევდეს სტატიის აგების ლოგიკას. ანოტაციაში კატეგორიულად უნდა ავიცილოთ თავიდან ზოგადი, არაფრისმთქმელი სიტყვები, რაც მხოლოდ ზრდის ტექსტის მოცულობას, მაგრამ ხელს არ უწყობს სტატიის შინაარსის გახსნას, ე.ი. ანოტაცია უნდა იყოს არსებითად კონკრეტული და ორიგინალური;

6. სტატია წარმოდგენილი უნდა იყოს A4 ფორმატით. სტატიის მოცულობა, გამოყენებული ლიტერატურის ჩამონათვალისა და რეფერატების ჩათვლით, არ უნდა აღემატებოდეს კომპიუტერზე 1,5 ინტერვალით და 12 შრიფტით ნაბეჭდ ერთ საავტორო თაბახს (40 ათასი ნიშანი), ან 20 კომპიუტერულ გვერდს;

7. ქართულ ენაზე დაწერილ სტატიას უნდა ახლდეს ვრცელი ინგლისური რეზიუმე არანაკლებ  2  ნაბეჭდი გვერდის მოცულობით, ასევე სათაური ინგლისურ ენაზე. უცხო ენაზე დაწერილ სტატიას თან უნდა ახლდეს ძირითადი შინაარსი 2 გვერდზე ქართულ ენაზე და ანოტაცია იმავე უცხო ენაზე. სტატია, რომელიც რეცენზენტთა და სარედაქციო კოლეგიის დასკვნით აკმაყოფილებს საერთაშორისო სტანდარტებს, იბეჭდება ქართულ და ინგლისურ ენებზე. ამასთან, სარედაქციო კოლეგიის მიერ ასევე მნიშვნელოვნად მიჩნეულ სტატ – ა) წიგნის დასახელება შემდეგი თანმიმდევრობით – ავტორის (ავტორების) გვარი და ინიციალები, წიგნის დასახელება, გამოცემის ადგილი, გამომცემლობა, წელი, გვერდების რაოდენობა; ბ) საჟურნალო სტატიისათვის – ავტორის (ავტორების) გვარი და ინიციალები, სტატიის დასახელება, ჟურნალის დასახელება, წელი, ჟურნალის ნომერი (სტატიის გვერდების მითითებით).

სტატიას თან უნდა დაერთოს გაშლილი რეზიუმე (2 გვერდზე) ქართულ და ინგლისურ ენებზე;

8. რედაქციაში სტატიის წარმოდგენა აუცილებელია ორ ნაბეჭდ ეგზემპლარად ელექტრონულ ვერსიასთან ერთად (MS word, ქართული სტატია შრიფტით Sylfaen, ხოლო უცხოურ ენაზე ტექსტი – Times New Roman);

9. სტატიის სათაურის ქვემოთ (მარჯვენა მხარეს) უნდა მიეთითოს ავტორის (ავტორების) სრული სახელი, გვარი, აკად. ხარისხი, თანამდებობა, ტელეფონი, ელფოსტა/საფოსტო მისამართი;

10. სტატიაში უნდა ჩანდეს საკვლევ პრობლემასთან დაკავშირებული მნიშვნელოვანი ლიტერატურის გამოყენება. ლიტერატურის დასახელება უნდა განთავსდეს სტატიის ბოლოს ერთიანი სიის სახით (ლიტერატურა), რომელიც არ უნდა დაინომროს, არამედ ყოველი ახალი ავტორი დაიწყოს ბულიტით;

11. ძირითადად ტექსტში ცხრილები, გრაფიკები და სქემები უნდა განთავსდეს მათი მითითების ადგილზე, თუ იქ ადგილი არასაკმარისია, შეიძლება მომდევნო გვერდზე. ცხრილებს, გრაფიკებს და სქემებს უნდა ჰქონდეს დასახელება და ნუმერაცია.

12. მაგისტრანტს (მაგისტრს) მოეთხოვება თავისი, დამოუკიდებლად შესრულებული სამეცნიერო სტატია წარმოადგინოს მეცნიერ -ხელმძღვანელის დასკვნისა და შესაბამისი კათედრის რეკომენდაციასთან ერთად – ოქმიდან ამონაწერის სახით;

13. სტატიას, რომელიც არ უპასუხებს ზემოთჩამოთვლილ მოთხოვნებს, რედაქცია არ მიიღებს;

14. ჟურნალში გამოქვეყნებული სტატიების რეცენზირება, საერთაშორისო პრაქტიკიდან გამომდინარე, ანონიმურია. შეფასება ხდება რეიტინგული სისტემით. ამასთან, შემოსული სტატიები რედაქციული დამუშავების შემდეგ იგზავნება რეცენზენტებთან. ამ პროცესების გავლის შემდეგ, სტატია გადაეცემა სარედაქციო კოლეგიის წევრს მისი შეფასებისთვის. საბოლოო გადაწყვეტილებას ამა თუ იმ სტატიის ჟურნალში პუბლიკაციის შესახებ ერთობლივად იღებს სარედაქციო კოლეგიის სხდომა;

15. ჟურნალში სტატიის გამოქვეყნება უფასოა  ივ. ჯავახიშვილის თსუ-ს პროფესორ-მასწავლებელთა, დოქტორანტების,   მაგისტრანტებისა და ყველა თანამშრომლისათვის, ხოლო სხვა (გარე) ავტორები იხდიან საფასურს – ერთ გვერდზე 10 (ათ) ლარს, რაც მათ მიერ ჩაირიცხება თსუ -ს ეკონომიკური შემოსავლების ანგარიშზე.


2018-05-02