English / ქართული /








ჟურნალის „ეკონომიკა და ბიზნესი“ აკადემიური ნაშრომის სტანდარტი

ივ.ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის, რეფერირებადი და რეცენზირებადი საერთაშორისო სამეცნიერო-ანალიტიკური ჟურნალის „ეკონომიკა და ბიზნესი“ აკადემიური ნაშრომის საერთაშორისო სტანდარტი

ჟურნალის „ეკონომიკა და ბიზნესი“ ERIHPLUS, EBSCO–ს, GOOGLE SCHOLAR-ის INDEX COPENICUS INTERNATIONAL-ისa და Crossref -DOI -ის საერთაშორისო ბაზებში ჩართვასთან დაკავშირებით აუცილებელი მოთხოვნაა აკადემიური ნაშრომის საერთაშორისო სტანდარტის დაცვა.
ჟურნალის „ეკონომიკა და ბიზნესის“ სამეცნიერო სტატიის ახალი სტანდარტი შემუშავდა და შეჯერდა ჩიკაგოს სტილსა და იმ მოთხოვნებთან, რაც ადრე, უკვე დამტკიცებული იყო ჟურნალის ეკონომიკა და ბიზნესის სარედაქციო საბჭოს მიერ.
ავტორებს გთხოვთ გაითვალისწინოთ ეს მოთხოვნა და შემდგომში სტატიები მოგვაწოდოთ ამ სტანდარტის შესაბამისად.

ავტორებისთვის

• ჟურნალში “ეკონომიკა და ბიზნესი” დასაბეჭდად ავტორებმა უნდა წარმოადგინონ მხოლოდ ახალი და მანამდე სხვაგან გამოუქვეყნებელი სამეცნიერო ნაშრომები.
• ავტორებმა სტატია უნდა გამოაგზავნოთ ელექტრონული ფორმით შემდეგ ელექტრონულ მისამართზე: ebf.journal@tsu.ge
• შემოსულ მასალას განიხილავს ჟურნალის სარედაქციო კოლეგია. მოთხოვნილ სტანდარტებთან შესაბამისობის შემთხვევაში, სტატია გაივლის ანონიმურ რეცენზირებას, რომლის შედეგები ეცნობება ავტორს. რედკოლეგია უფლებას იტოვებს უარი თქვას სტატიის დაბეჭდვაზე და არ გაუგზავნოს რეცენზენტს.
• რედაქციაში გამოსაქვეყნებლად მიღებული სტატიები იგზავნება რეცენზენტთან. რეცენზენტების ვინაობა ანონიმურია.
• იმ შემთხვევაში, თუ ავტორი არ ეთანხმება რეცენზიაში გამოთქმულ შენიშვნებს, ნაშრომი შესაძლებელია გადაიგზავნოს დამატებითი რეცენზირებისთვის. სტატიის გამოქვეყნების შესახებ საბოლოო გადაწყვეტილებას იღებს ჟურნალის სარედაქციო კოლეგია.

გამოქვეყნების ღირებულება
სტატიების წარდგენა, განხილვა, რედაქტირება და გამოქვეყნება ჟურნალში „ეკონომიკა და ბიზნესი“ უფასოა.

სტატიის გაფორმების წესი და ფორმატი

ტექსტი შესრულებული უნდა იყოს „ვორდ“-ის პროგრამაში, A 4-ის ფორმატში, არ უნდა აღემატებოდეს 22 გვერდს.
შრიფტი: (ქართული და ინგლისური– Sylfaen); ზომა - 12.
კიდეების ზღვარი: ტექსტის ზევით-ქვევით და მარცხნივ -2სმ; ტექსტის მარჯვნივ - 2.5 სმ;
სტატიის ძირითადი ნაწილის შრიფტის ზომა 12, სტრიქონებს შორის ინტერვალი 1,15.
სქოლიოში მხოლოდ (განმარტებები და შენიშვნები) - შრიფტის ზომა – 10; ცხრილებში შრიფტის ზომა – 1,0; სტრიქონებს შორის მანძილი -1.0;
ნაშრომის დანომვრა – ნაშრომი ინომრება შესავალი გვერდიდან თანმიმდევრულად არაბული ციფრებით იმავე (ტექსტის) შრიფტითა და ზომით გვერდის ქვედა მარჯვენა კუთხეში.
ნაშრომის სათაური უნდა განთავსდეს ცენტრში, გამუქებული ასოებით, შრიფტის ზომა 14. ავტორის (ავტორების) სახელი და გვარი იწერება ცენტრში, გამუქებული ასოებით, შრიფტის ზომა 12, მას უნდა მოსდევდეს ავტორის (ავტორების) აკადემიური წოდება, უნივერსიტეტის დასახელება და ელფოსტა (საკონტაქტო მობილურის ნომერი), შრიფტის ზომა 12;
აბსტრაქტი - ქართულ ენაზე (მინიმუმ 140 და მაქსიმუმ 150 სიტყვა), მოიცავს შესავალს, მეთოდოლოგიას, შედეგებს, დისკუსიას და დასკვნას, ბოლოს მოსდევს მაქსიმუმ 6 საკვანძო სიტყვა, დახრილი ასოებით, ’’საკვანძო სიტყვები’’ გამუქებული ასოებით, ტექსტიდან 1 ინტერვალით დაშორებული, შრიფტის ზომა 12.

ჟურნალი ორენოვანია (ქართული და ინგლისური). ქართულ ენაზე დაწერილ სტატიას თან უნდა ახლდეს შინაარსი ინგლისურ ენაზე - summary, (მოცულობით მინიმუმ 700 და მაქსიმუმ 900 სიტყვა). ის ასევე საჭიროებს ინგლისურ ენაზე ნაშრომის სათაურს ( შრიფტი -14), ავტორის (ავტორების) სახელს და გვარს (გამუქებული), აკადემიურ წოდებას და უნივერსიტეტის დასახელებას - და ელ-ფოსტას. შრიფტის ზომა 12;
ასევე ინგლისურ ენაზე გამოსაქვეყნებელი სტატია საჭიროებს ქართულ ენაზე შინაარსს მოცულობით 1,5-2,0 გვერდამდე. (სხვა მოთხოვნები - სათაური, სახელი და გვარი, წოდება ა.შ, იგივეა რაც ინგლისურ ვარიანტში.)


საილუსტრციო მასალა (გამოსახულებები, ცხრილები, ფოტოები, დიაგრამები, სქემები) ძირითად ტექსტში უნდა განთავსდეს მათი მითითების ადგილზე და უნდა მიეთითოს ტექსტში თანმიმდევრულად, მაგ. ცხრილი 1; ცხრილი 2; ან დიაგრამა 1, დიაგრამა 2, და ა.შ; ცხრილებს, გრაფიკებს, დიაგრამებს, სქემებს და სხვ. საილუსტრციო მასალას უნდა ჰქონდეს დასახელება და ნუმერაცია.
დიაგრამებში, ცხრილებსა, სქემებში და სხვ. – სათაური თავზეა წარმოდგენილი, ნუმერაცია სათაურის ქვემოთ, მარცხენა კუთხეში ასევე მარცხენა მხარეს უნდა მიეთითოს ნახაზის ბოლოში წყარო: (გამუქებული, დახრილი), შრიფტის ზომა - 10.

ციტირების სტილი
ავტორი ვალდებულია, დაიცვას ჟურნალის ციტირების სტილი.

ლიტერატურის შიდატექსტური ციტირებისას (დამოწმებისას) ტექსტში მიეთითება ავტორის გვარი, გამოცემის წელი და სასურველია გვერდი. (ქართულისა ქართულ ენაზე, უცხოურისა უცხოურ ენაზე). მაგალითად
ავტორის შიდატექსტში მითითება:
(მექვაბიშვილი 2018, 223)
(Hudson 2015, 79)
(Papava 2002, 35)
ერთი ავტორის ერთსა და იმავე წელს გამოცემული რამდენიმე წიგნის მითითებისას გამოიყენება ანბანური რიგი, მაგალითად: (მექვაბიშვილი, 2021ა); (მექვაბიშვილი, 2021ბ).
ყოველი წყარო, რომელიც აღნიშნულია ნაშრომში შიდა ტექსტური ციტირების წესით, აუცილებლად უნდა იყოს მოხსენებული ნაშრომის ბოლოს გამოყენებული ლიტერატურის გვერდზეც;

გამოყენებული ლიტერატურა არ ინომრება, აღინიშნება ბულიტებით, ლაგდება ანბანური პრინციპით, (ჯერ ეთითება ქართული, შემდეგ უცხო ენოვანი წყაროები და ბოლოს ინფორმაცია ელექტრონული გამოცემების შესახებ).

ბიბლიოგრაფიაში მითითებული თითოეული ერთეული შემდეგი ფორმით უნდა იყოს წარმოდგენილი:

წიგნი
წიგნი ერთი ავტორით. გვარი, სახელის ინიციალი. (წელი). წიგნის სათაური. გამოცემის ადგილი: გამომცემლობა. მაგალითად
ხარაიშვილი ე. (2017). ღვინის ბაზარი და მევენახეობა - მეღვინეობის დივერსიფიკაციის კონკრეტული მოდელები საქართველოში. თბილისი: უნივერსალი
Verweire, K. (2014). Strategy implementation. New York: Routledge

წიგნი ორი ან სამი ავტორით. თითოეული ავტორის გვარი, სახელი. (წელი). წიგნის სათაური. გამოცემის ადგილი: გამომცემლობა.
შათირიშვილი ჯ., კაკაშვილი ნ. (2012). სადაზღვევო საქმე თბილისი: ივერიონი
Bodenheimer, T., Grumbach K. (2020). Understanding Health Policy: A Clinical Approach. New York: McGraw Hill.

წიგნი რედაქტორით. ავტორის პოზიციაზე რედაქტორის გვარი, სახელის ინიციალი. გასწვრივ ყოველთვის მიუთითეთ სიტყვა – რედ. (წელი). წიგნის სათაური. გამოცემის ადგილი: გამომცემლობა.
მაღრაძე მ. რედ. (2002). ეკონომიკური ინფორმატიკა. თბილისი: საქართველოს მაცნე

წიგნი ავტორით და რედაქტორით. გვარი, სახელის ინიციალი, წელი, სათაური, რედაქტორის სახელი, გვარი, გამოცემის ადგილი, გამომცემლობა.
რუსთაველი, შ. (1953). ვეფხისტყაოსანი. პავლე ინგოროყვას რედაქციით და შენიშვნებით. თბილისი: საბჭოთა მწერალი.

წიგნი ორგანიზაციის ავტორობით. ორგანიზაცია (ავტორად მიუთითეთ იმ შემთხვევაშიც, თუ ის სახელდება, როგორც მხოლოდ გამომცემელი). (წელი). წიგნის სათაური. გამოცემის ადგილი: გამომცემლობა.
ლიტერატურის მუზეუმი. (2018). „ცისფერყანწელები. მიმოწერა“, წიგნი I. თბილისი: ლიტერატურის მუზეუმი.


წიგნი ავტორის გარეშე. სათაური. (წელი). გამოცემის ადგილი: გამომცემლობა.
ქართული მწერლობა (1984). ლექსიკონი-ცნობარი, წიგნი I. თბილისი: განათლება.

ნათარგმნი წიგნი. გვარი, სახელი. (წელი). სათაური. მთარგმნელის სახელი, გვარი. გამოცემის ადგილი: გამომცემლობა.
გუროვა ი. (2014). მსოფლიო ეკონომიკა, მთარგმნელი პროფ. შ.ვეშაპიძე. თბილისი: გამომცმელობა შპს „დარბეგი“.

თავი ან სხვა ნაწილი წიგნიდან, რომელსაც რამდენიმე ავტორი ჰყავს. გვარი, სახელი. (წელი). წიგნის სათაური. გვერდი (გვერდები), გამოცემის ადგილი: გამომცემლობა.
მაგ. გერზმავა ო. (2016). საზოგადოებრივი ჯანდაცვა და მენეჯმენტი. თბილისი: თბილისის სახელმწიფო სამედიცინო უნივერსიტეტი. გვ.124-186.

სტატია
სტატია სამეცნიერო ჟურნალიდან. გვარი, სახელი. (წელი). სათაური. ჟურნალის სახელწოდება, ტომის (სერიის) ნომერი, გვერდი.

ლიტერატურა:
1. მექვაბიშვილი ე. (2018). გლობალიზაციის ეპოქის ფინანსური კრიზისები და საქართველოს ეკონომიკა. თბილისი: „ინტელექტი“.
2. პაპავა ვ. (2018). ეკონომიკური ზრდა ევროკავშირის აღმოსავლეთის პარტნიორობის ქვეყნებში || „ეკონომიკა და ბიზნესი“, ტ.XI, №2. გვ.17-23.
3. Hudson E. A. (2015). Economic Growth: How it Works and How it Transformed the World. Wimington: Vernon Press.

References:
1. Mekvabishvili E. (2018). The Financial Crisis of the Globalization Era and The Economy of Georgia. Tbilisi, “Intelqti” (in Georgian).
2. Papava V. (2010). Zombie-Ing of the Necroeconomy. P. Gugushvili Institute (in Georgian).
3. Papava V. (2018). Economic Growth in Eastern Partnership Countries. || Economics and Buaness V.XI, №2. (in Georgian).
4. Hudson E. A. (2015). Economic Growth: How it Works and How it Transformed the World. Wimington: Vernon Press.

სტატია პოპულარული/პერიოდული ჟურნალიდან. გვარი, სახელი, წელი, სტატიის სათაური. ჟურნალის სახელწოდება, ტომის (სერიის) ნომერი, თარიღი, გვერდი.

ვერულავა თ., ნაროზაშვილი ნ. (2021). ტელემედიცინა – XXI საუკუნის ჯანდაცვის გამოწვევა. Forbes Georgia. 7(65): გვ.28-31.

მასალა გაზეთიდან. გვარი, სახელი, წელი, სათაური, გაზეთის სახელწოდება, ნომერი, თარიღი.
ვერულავა თ., ჯორბენაძე ა. (2022). სახელმწიფო იწყებს საავადმყოფოს დაფინანსების ახალი მეთოდის დანერგვას. რეზონანსი, 6 (254), 17 აგვისტო.

მასალა ინტერნეტიდან
ელექტრონული წიგნი, სამეცნიერო ჟურნალის სტატია, პოპულარული/პერიოდული ჟურნალების სტატიები.

ვებგვერდი (ვებგვერდის შინაარის შემთხევავში). ვებგვერდის სახელწოდება, წელი, მასალის სათაური, ატვირთვის ან მოძიების თარიღი, URL მისამართი.


გვარი, სახელი, წელი, სათაური, წიგნი, გამოცემის ადგილი, გამომცემლობა, URL მისამართი (არსებობის შემთხვევაში, DOI-ს შემცველი URL მისამართი) ან ბაზის სახელი, საიდანაც მოძიებულია წიგნი (იმ შემთხვევაში, თუ ასეთ ელექტრონულ რესურს არ აქვს URL მისამართი).

გოგოლაძე, ლ., ვერულავა, თ., კაჭკაჭიშვილი, ი., კონცელიძე, ო. (2019). პირველადი ჯანდაცვის გამოწვევები საქართველოში ხარაგაულისა და ჭიათურის მუნიციპალიტეტების მაგალითზე. ევროკავშირი საქართველოსათვის. https://www.asocireba.ge/files/Chemi-Imereti-2019-Primary-Healthcare.pdf

გვარი, სახელი, წელი, სტატიის სათაური. ჟურნალის სახელწოდება, ტომის (სერიის) ნომერი, გვერდები საერთო მოცულობა, DOI ან DOI–ს შემცველი URL მისამართი, არარსებობის შემთხვევაში მხოლოდ URL მისამართი ან მონაცემთა ბაზის სახელი.

Verulava, T. (2022). Factors influencing medical students’ choice of family medicine. Family Medicine & Primary Care Review. 2022;24(1):66-70. doi:10.5114/fmpcr.2022.113017

Verulava, T., Jorbenadze, R. (2022). The impact of part-time employment on students’ health: A Georgian Case. Malta Medical Journal 34(1):50-57. https://www.um.edu.mt/library/oar/bitstream/123456789/91260/1/MMJ34%281%29A6.pdf

პოპულარული/პერიოდული ჟურნალების სტატიები. გვარი, სახელი, წელი, სტატიის სათაური. ჟურნალის სახელწოდება, ტომის (სერიის) ნომერი, თარიღი, გვერდების საერთო რაოდენობა. ამ ტიპის ჟურნალის სტატიას, თუ ის ინტერნეტით არის მოძიებული, უნდა მიეთითოს URL მისამართი. ასეთი მისამართის არარსებობის შემთხვევაში – მონაცემთა ბაზის სახელი.

ვერულავა, თ. ჯანმრთელობის სოციალური დაზღვევის სისტემა ბრუნდება? Forbes Georgia. 3 (15), 15/07/2021: 12-16.

ვებგვერდი (ვებგვერდის შინაარის შემთხევავში). ვებგვერდის სახელწოდება, წელი, მასალის სათაური, ატვირთვის ან მოძიების თარიღი, URL მისამართი.

სოციალური სამართლიანობის ცენტრი. 2021. სტაციონარული სერვისები ფსიქიკური ჯანმრთელობის პროგრამაში: სახელმწიფო ზედამხედველობის გარეშე. მოძიებულია 11.13.2022

https://socialjustice.org.ge/ka/products/statsionaruli-servisebi-fsikikuri-janmrtelobis-programashi-sakhelmtsifo-zedamkhedvelobis-gareshe

კონფერენციის/ სიმპოზიუმის გამოქვეყნებული მასალები. გვარი, სახელი, წელი, სათაური, კონფერენციის/სიმპოზიუმის სახელწოდება, გვერდების საერთო მოცულობა. გამოცემის ადგილი, გამომცემლობა, URL მისამართი (თუ მასალა მოძიებულია ელექტრონული რესურებიდან).

ვერულავა, თ. (2019). საქართველოს ჯანდაცვის სისტემის გამოწვევების გადაწყვეტის გზები. IV საერთაშორისო სამეცნიერო კონფერენციის “გლობალიზაციის გამოწვევები ეკონომიკასა და ბიზნესში” შრომების კრებული: 137-143. თბილისი: თბილისის სახელმწიფო უნივერსიტეტის გამომცემლობა.

დისერტაცია. ავტორი (გვარი, სახელი), სათაური, დისერტაციის ტიპი, დაცვის ადგილი, წელი. URL მისამართი (თუ მასალა მოძიებულია ელექტრონული რესურებიდან).

ვერულავა, თ. (1999) სამედიცინო დახმარების ანაზღაურების მეთოდების კომპლექსური შეფასება. დისერტაცია მედიცინის მეცნიერებათა კანდიდატის სამეცნიერო ხარისხის მოსაპოვებლად, თბილისის სახელმწიფო სამედიცინო უნივერსიტეტი.

ნებისმიერი ინტერნეტ წყაროს მითითებისას დაურთეთ ამ წყაროზე უკანასკნელად წვდომის თარიღი. წვდომის თარიღი მიუთითეთ URL მისამართის ან მუდმივი იდენტიფიკატორის შემდეგ და ჩასვით ფრჩხილებში.

მაგ.: (16.08.2010) (წვდომის თარიღი 2010 წლის 16 აგვისტო). (accessed August 16, 2010)

 


2023-12-06
ჩვენი ჟურნალის ავტორებისა და მკითხველების საყურადღებოდ!

ქალბატონებო და ბატონებო,

ჟურნალ „ეკონომიკა და ბიზნესმა“ ბოლო წლების განმავლობაში მნიშვნელოვან წარმატებებს მიაღწია საერთაშორისო აღიარების თვალსაზრისით: იგი დარეგისტრირებულია „ERIH+“-ის, „EBSCO”-სა და „COPERNICUS“-ის საინფორმაციო ბაზებში. გაფართოვდა ჟურნალის სარედაქციო კოლეგია, მათ შორის მსოფლიოში საყოველთაოდ აღიარებული მეცნიერების ჩართვის ხარჯზე. ამჟამად ინტენსიური მუშაობა მიმდინარეობს „SCOPUS”-ის ბაზაში გაწევრიანებისათვის.

„SCOPUS”-ის საერთაშორისო ბაზაში ჟურნალ ეკონომიკა და ბიზნესი დარეგისტრირება კარგი მოტივაცია იქნება ავტორთათვის. 

უსურვოთ ჟურნალს წარმატებები ამ რთულ და მეტად საინტერესო საქმეში

ჟურნალ „ეკონომიკა და ბიზნესის“ სარედაქციო კოლეგია


2021-07-03